بلدي يااسماعيلية

 بلدي يااسماعيلية

بقلم / عزيزة مبروك

يااسماعيلية أنتي بلدي و نور عنيا

لفيت بلاد كتير ملاقيتش زيك في الدنيا

سموكي باريس الصغري وانت في عيني اكتر شوية

بلد السحر و الجمال والفنون و البطولات الدولية

بيغنولك أهلك ياعروس القنال علي السمسمية

يازينة خط القنال والوجه القبلي و البحري و الشرقية

اللي مش عارف قدرك يسأل عن موقعة الشرطة و الحرية

الروح تهواكي و القلب ينبض بسماكي و انا بتمشي في شوارعك العصرية

زهرة المداين و الجناين و النسمة والمزارع المروية

نعشق الدراويش ومنتخب مصر نور عنيا

نجمع نسمع أهل الفن مع أهلنا علي لقمة هنية

بلد الرجولة و الأصول و بناتنا عزة نفس و كرامة و مستحية 

خفة دم و دلال وروح صافية ومتربية

يااسماعلية انتي بتسري في شراييني و اهلك غالييين عليا

يااسماعيلية أنتي بلدي و عشقي و نور عنيا