سبت الحب

 سبت الحب

بقلم  / أيمن شتا 

انا سبت الحب بأوجاعه..

وهعيش مع حالي..

 وهعود قلبي على الوحدة..

وهطبطب بأيديا عليا..

وان كنت في يوم حبيت واحدة..

 اهو قلبي اتعلم ماللي جراله..

.... 

دانا بعت الدنيا وحبيتك..

 وعملتك بيتي ومحرابي..

وكتبت في اسمك سميتك..

ولقيتني بكتب في سرابك..

فكرتك يوم تبقى الجنة..

 لقيت انا نارك تكويني..

 انا قلت بحبك هتهني..

لكن والله جرحتني..

... 

 وعشانك بطلت احب..

 وعشانك انا سبت الحب..

واخدت انا ايه..

غير وجع القلب..

انا سبت الحب بأوجاعه..

 وهعيش مع حالي..

 وان كنت في يوم حبيت واحدة..

اهو قلبي اتعلم ماللي جراله..

...

ايمن شتا