كلمة بحبك

 كلمة بحبك

بقلم / ايمن_شتا

........... 

كلمة بحبك.. عقد ملزم بالوعود

يبقا مفيش نبعد شوية... بعدين نعود

الحب كلمة والتزام.. مش حرف موجود والسلام

الحب عندي كلمة شرف.. يبقا لازم اهتمام

الحب دا اساس الوجود.. يعني عقد..

والعقد ملزم بالوعود..

الحب يعني تضحيات.. مش حبة خد وحبة هات

مش نظرة.... تنهيدة..... وسكات..

الحب لو عرف الخيانة.... فثانية مات..

والموت بينهلنا الوعود..

يبقا مفيش نبعد شوية... بعدين نعود..

في شرط فالحب صريح..

انك متجرحش الجريح..

انك تكون واضح صريح..

عشان متحنث الوعود..

الحب عقد واتفاق.. والعقد مبنى على العهود..

والعقد ملزم بالوعود..

كلمة بحبك.. عقد وأساس الوجود..