مجنون
مجنون
شعر غنائي هاني الحداد
مجنون
ايوه إكمني بحب بجد
حب حقيقي ماعرفوش حد
حب مايخطر يوم على بال
حب مالوش في الدنيا مثال
حب كبير وأكبر بكتير
من كل كلام أو أي خيال
حب بيجري في قلبي وعيني
حب راعيته بدمع حنيني
حب حياتي وسر حياتي
حب له عمري وكل سنيني
حب أنا بعت الدنيا عشانه
حب لا يمكن يوم نسيانه
حب بروحي وكل جروحي
وحايفضل في القلب مكانه
حب شاغلني أيام وليالي
حب ماغاب ولايوم عن بالي
حب أنا عايشه ولمسه وشايفه
وهو أحلى وأغلى آمالي
طب هتلاقي فين يا وتصادفي
حد في حبي وشوقي وعطفي
ولا مشاعري ولا عواطفي
حب حقيقي ليكي بيوفي
ولا عشان ماأنا قلبي شاريكي
وبغير موت من النسمه عليكي
يبقى أستاهل أكون مجنون
برضو موافق يااحلي عيون
مجنون
تعليقات
إرسال تعليق