شنبك_خضر
شنبك_خضر
#كلمات_ايمن_شتا
والله كبرت وبقا ليك صوت
وبقيت بتبص من الشباك
وتلاغي كل بنات الحي
والوحشة فيهم مش فكراك
خضر شنبك وبقت راجل
وبتسمع شعر طول الليل
وماسكلي الناي
إياك هتألف في المواويل
دا يدوب اخرك
كوباية شاي
لسة القلب في حشاك اخضر
لسة يدوب بينبت حب
والزرعة عشان تحصد منها
لازم جدرها يحضن أرض
بكرة الحب يدق في قلبك
بكرة الشوق هيقطع فيك
بس تلاقي اللي تحبك
واللي تخاف العمر عليك
ادفي بكوباية شاي
واعمل راكية
واقعد واسهر ويا الناي
واسمع شعر طول الليل
اكتب الف في المواويل
لسة يا ولدي العمر طويل
اوع يضيع ويا الشباك
دانت يا دوب شنبك خضر
واللي فاكرها اكيد نسياك
والله كبرت وبقا ليك صوت
....
ايمن شتا
تعليقات
إرسال تعليق