(بلاش يا قلبى)
(بلاش يا قلبى)
بقلم / محمود عمار الزلباني
**************
لساك يا قلبي بتعافر
وفاكر إن لسه شباب
ومش فاكر إن دى الأخر
وواقف فى طابور العشق
والأحباب
دا من كتر السنين
اللي عدت يا قلبى
أنا نسيتك
وفاكرك راضي
بالوحدة وييايا
ما عرفش إنك
عايش من بدري
في حكايه
مع إني شوفتك مرة
فى منامي
بتنزف دمع جوايا
ومش قادر تكلمني
ولما صحيت لقيتك
في جنبي بتإلمني
اوعاك توقعني
فى قصة حب
من تاني
لو حصل انساني
وأنا حنساك
أنا مش حمل
فرقة
ولا دمعة
ولا تنهيد
ولا حد يظلمني
يسهرني
مع النجمة
أبقى وحيد
خلينا كده
عايشين
ماهو الحب
أصله إتغير
بقى يحير
خالي من اللهفة
وسره بقى مكشوف
عارف كلا مي
مش عاجب
صدقني بكره
تشوف
من قبلك أنا حبيت
ويا ما رسمت
قلوب وحروف
وشوفت الحرف
قدامي بيتكسر
وسبتك إنت تتحكم
وكان الحرف بيخصك
لقيتك جاي
تتندم
وسكنت جنبي
سنين
من غير ما تتكلم
وجاى دلوقتى تحيرني
بلاش
ما عاد فى السنين
باقى
لو ناوى تحب
انسانى
وأنا حنساك
»»»»»»»»»»»»
-محمود عمار الزلباني
تعليقات
إرسال تعليق